Pizza Pan

营业中

休息中

都有一段时间冇食pizza，因为两个人食就一定食到好饱，呢间有二人餐，仲要包好多嘢食，心思思就同朋友坐低试吓。环境好似一个food court咁，成层都系餐厅，而座位都系open area。餐牌二人套餐 $188 包括小食一份、薄饼一份、意粉一份及汽水两罐。小食：焗田螺配特色荷兰汁都有5-6只，荷兰汁通常系用蛋黄、牛油同柠檬汁调制而成，酱汁十分creamy，田螺大大粒，食落唔会腥，仲有薯蓉做衬托，净系呢个小食都好饱肚。意粉：辣汁蕃茄蚬肉意粉 仲想食啲开胃少少嘅嘢，所以叫呢款辣汁蕃茄蚬肉意粉 。芝士唔系成块咁盖住个面，而系睇到条状嘅芝士，至于辣味系来自Tabsco辣汁，底部仲有啲辣汁水，可以再干身啲。薄饼：食肉兽材料有芝士莎乐美肠、意大利辣肉肠、肉丸、车厘子、三色辣椒，用BBQ汁做调汁。Pizza外观10分吸引， size都唔细，有六件，够晒饱肚。每一啖都几香茄酱嘅味道，啖啖肉，饼底唔太厚唔太薄，口感啱啱好，以呢个价钱来讲性价比十分高！总括而言，我同朋友都表示会再返嚟食，因为性价比高，每人$100都唔使，但食齐小食、意粉及薄饼，食到捧住个肚走，加上环境唔算多人，可以同朋友食住慢慢倾偈。