GREEN

今晚又去咗HOTEL ICON嘅GREEN食晚餐。好钟意佢呢到无特别定要分两轮，唔限时间，可以配合自己晚饭时间开餐，亦唔使怕赶住要埋单交枱。逢星期五到星期日都会供应呢个海鲜SET DINNER，＄558四个COURSE，再加无限添饮饮品。我叫咗焗法国蜗牛做头盘，汤就要咗法式龙虾汤，主菜一个要烤琵琶虾，另一个要蟹肉龙虾汁阔条面SHARE。甜品就要咗焦糖炖蛋，不过呢个唔记得影相。GREEN食物质素一向都唔差，今次嘅焗法国蜗牛，龙虾汤，烤琵琶虾全部都好食，全晚最失色系蟹肉龙虾汁阔条面，入口好淡味，面完全可以话系无味。焦糖炖蛋就稀咗少少，唔系好成型，有少少失手。但总括来讲，呢个价钱嘅环境同食物质素，性价比仍然系高嘅。希望餐厅可以保持水准，少啲失手，会继续支持。