影片
更多
2023-04-27
33 浏览
放工想同朋友chill吓、饮杯嘢倾吓计，又可以食少少嘢，太子港铁站对出警署附近嘅Muze Mozz 俾到我好大惊喜！呢间Bar and Restaurant主要分两个区域，两个正门，一边系典型酒吧格局嘅bar，一边系欧陆风格嘅餐厅，两边互通，橙色嘅猫猫同欧陆小镇墙、水吧外面嘅特色瓷砖绿色皮櫈都系打卡位！店内昏暗，好多光影，轻快嘅音乐，令人感觉轻松。以为主打酒水，并冇对食物抱好大期望，点知无论小食到主食，都非常高质，价钱仲十分相宜！✔️ Mozz黑松露酱薯条$58新鲜炸起，热辣辣脆卜卜，上面洒满香草同辣粉，加上碟沾极唔完嘅茄酱同黑松露酱，真系好高质，佐酒一流！五星星推荐！️ ✔️ 日式胡麻酱烧茄子$58茄子粒含有好多水份同纤维，粒切进食比原条方便，而且更容易沾满日式胡麻酱同芝麻，好香口！✔️ 德国香肠拼盘，$168几款德国肠嘅味道都OK，主要系外脆内暖，口感不错！酸瓜、酸椰菜十分解腻！小食都离不开口味丰富嘅酱汁，香肠配芥末酱一流！✔️ 西班牙蒜油海鲜意粉$148呢个意粉性价比好高，一上枱，首先见到大大只嘅青口、鲜虾、蚬，而个粉本身都干身，偏有口感，烟烟韧韧，意粉条挂满橄榄油，加上大量蒜粒，充满香气
✔️ Mozz黑松露酱薯条$58
新鲜炸起，热辣辣脆卜卜，上面洒满香草同辣粉，加上碟沾极唔完嘅茄酱同黑松露酱，真系好高质，佐酒一流！五星星推荐！
️ ✔️ 日式胡麻酱烧茄子$58
茄子粒含有好多水份同纤维，粒切进食比原条方便，而且更容易沾满日式胡麻酱同芝麻，好香口！
✔️ 德国香肠拼盘，$168
几款德国肠嘅味道都OK，主要系外脆内暖，口感不错！酸瓜、酸椰菜十分解腻！小食都离不开口味丰富嘅酱汁，香肠配芥末酱一流！
✔️ 西班牙蒜油海鲜意粉$148
呢个意粉性价比好高，一上枱，首先见到大大只嘅青口、鲜虾、蚬，而个粉本身都干身，偏有口感，烟烟韧韧，意粉条挂满橄榄油，加上大量蒜粒，充满香气！本来同朋友已经食到撑住肚皮，但系都坚持食晒佢！
✔️ Earl Grey martini $108
自己好钟意伯爵茶味道，呢杯Cocktail茶味淡淡哋，酒味好light, 几清香，非常适合女仔饮！卖相都好惊喜！
✔️ Peach Tree$68
桃味、柠檬味嘅mocktail, 仲有薄荷叶，好适合依家微暖嘅天气饮！
临走时发现live Band准备就绪，先发现今次太早食饭，下次晏少少可以享受埋现场表演，短期内会回访！呢间Bar and Restaurant真心高质！
10% service charge
张贴
