影片
更多
2017-06-29
1317 浏览
今日喺尖沙咀收工，谂住去附近商场行下，就就地脚就出左C2，点知呢度有间超近既鸡煲火锅店，地点好就脚，咁就食左再慢慢行今日天气都几热，好彩一落到去「食力」，啲冷气够，即刻降番温！$168任食鸡煲火锅配料一坐低，阿姐就介绍我地先食个鸡煲，原来呢度既任食鸡煲火锅仲送埋点心头盘，有虾饺、粉果同野菌饺，热辣辣新鲜蒸出嚟，可以帮我顶一下肚饿！等咗咁上下，个鸡煲就滚起喇！依度嘅鸡煲同出面嘅水准差唔多，好够味，但因为我地有人唔食得辣，所以就无叫辣味，啲鸡嘅份量都好多下，就咁睇我估都应该有一只鸡左右！可能一滚起就食，所以啲鸡咬落去唔un，嫩滑得黎仲有肉汁！食到咁上下，我地就转战打边炉！啲配料一上𠮶下我都「哗」一声，因为都几大堆头，而且一啲都唔揸流滩，有安格斯肥牛、虾、青口、脆肉鲩同好多唔同种类嘅丸！样样配料都几新鲜，咁多样我就最钟情安格斯肥牛，足足encore咗5碟！啲肥牛唔系出面𠮶度万年雪藏肥牛，而系真真正正嘅安格斯牛肉！食落几有牛味，而且唔会成旧都系肥膏！虽然依度系任食，不过因为我食太多肥牛，所以冇再re-order，最后店员送埋甜品俾我地：桂花糕，饭后甜品一大享受除咗打边炉料可以疯狂任叫，嘢饮都好
今日天气都几热，好彩一落到去「食力」，啲冷气够，即刻降番温！
$168任食鸡煲火锅
配料一坐低，阿姐就介绍我地先食个鸡煲，原来呢度既任食鸡煲火锅仲送埋点心头盘，有虾饺、粉果同野菌饺，
热辣辣新鲜蒸出嚟，可以帮我顶一下肚饿！
等咗咁上下，个鸡煲就滚起喇！
依度嘅鸡煲同出面嘅水准差唔多，好够味，但因为我地有人唔食得辣，所以就无叫辣味，
啲鸡嘅份量都好多下，就咁睇我估都应该有一只鸡左右！可能一滚起就食，所以啲鸡咬落去唔un，嫩滑得黎仲有肉汁！
食到咁上下，我地就转战打边炉！啲配料一上𠮶下我都「哗」一声，因为都几大堆头，而且一啲都唔揸流滩，
有安格斯肥牛、虾、青口、脆肉鲩同好多唔同种类嘅丸！
样样配料都几新鲜，咁多样我就最钟情安格斯肥牛，足足encore咗5碟！
啲肥牛唔系出面𠮶度万年雪藏肥牛，而系真真正正嘅安格斯牛肉！
食落几有牛味，而且唔会成旧都系肥膏！
虽然依度系任食，不过因为我食太多肥牛，所以冇再re-order，
最后店员送埋甜品俾我地：桂花糕，饭后甜品一大享受
除咗打边炉料可以疯狂任叫，嘢饮都好多种类拣，唔饮汽水嘅我仲可以拣夏枯草同酸梅汤添！
另外值得一提既系，职员真系好主动帮我地加汤底，同埋好快帮我地收好碗碗碟碟真系唔该哂～
总结黎讲，呢度既食物种类选择多，而且比较特别既点心全日供应(而家好少见呢D舖头)
呢度既点心水准都比高过出面普通点心店，
系$200有找的任食鸡煲火锅(送点心头盘)黎讲，真心性价比极高！
张贴
