Choomil 啾咪

营业中

休息中

呢间系喺大角咀嘅一间小店，有韩国嘢食所以入左来，餐厅唔大好有人情味，中午嘅时候同朋友一齐买外卖食，韩式饭卷睇落好吸引，有三款拣，分别系辣猪肉、牛肉同埋原味～ 食咗一个牛肉嘅，紫菜上面充满满满嘅芝麻油香味同白芝麻！同日式饭团寿司比起上嚟，本身已经调好味，所以唔需要再额外加酱料，饭卷好多料，仲多个饭好多，感觉到好有诚意，有牛肉、萝卜、蛋丝等等好够饱肚！口感劲丰富！觉得比起尖沙咀嘅饭卷仲好食！另外叫咗一个set lunch，50蚊可以菜同主食配搭，加左10蚊要芝士安格斯牛肉汉堡🍔 佢选择够弹性，可以配唔同嘅主食，饭面沙律都得，食得韩国嘢梗系加$10要韩式拌饭，果然冇拣错，因为有芝麻油香，有波菜、芽菜、萝卜、紫菜、粟米等等，咸咸香香，脆卜卜，口感好好，芝士溶落去好Juicy , 牛肉份量都好多，厚身既安格斯牛肉，肉味好浓郁，超级饱肚， 柠檬茶都好足料，呢个价钱嚟讲几抵食，又多选择！