影片
更多
2024-11-29
198 浏览
今晚放工同男朋友经过，一路谂紧食咩好，就被亲切嘅侍应姨姨热情推介晚餐，见到餐牌上嘅和牛汉堡扒煎蛋饭卖相十分吸引，于是就点左呢个晚餐～～侍应姨姨好快就拎左两碗无味精嘅中汤，（记得有西洋菜、猪展等）无一层油喺面，感觉健康好多😃碟饭卖相同相片相似，汉堡扒肉质juicy, 有少少黑椒味，好开胃！两只煎蛋边都有少少脆，好香口！（抱歉无特别影到相）之后我地叫左两个甜品，侍应姨姨好好，推介我哋点单球疏乎厘，只系$28，点两份都平过双球😝于是我哋一人点咗一份，一份系焦糖咖啡味，另一份系海盐芝士味，两份都非常出色！面头嘅cream 滑而不漏，疏乎厘好有空气感，完全唔实👍🏻性价比真系超高！估唔到一间看似普通嘅小店食物质素咁高！特别要一赞呢度嘅侍应姨姨服务态度好好，好耐心推介唔同嘅食物迎合客人喜好，而且都好细心，好有家庭式经营嘅感觉，同客人有讲有笑，充满人情味，实在系很好嘅用餐体验，会再次帮衬！
侍应姨姨好快就拎左两碗无味精嘅中汤，（记得有西洋菜、猪展等）无一层油喺面，感觉健康好多😃
碟饭卖相同相片相似，汉堡扒肉质juicy, 有少少黑椒味，好开胃！两只煎蛋边都有少少脆，好香口！（抱歉无特别影到相）
之后我地叫左两个甜品，侍应姨姨好好，推介我哋点单球疏乎厘，只系$28，点两份都平过双球😝于是我哋一人点咗一份，一份系焦糖咖啡味，另一份系海盐芝士味，两份都非常出色！面头嘅cream 滑而不漏，疏乎厘好有空气感，完全唔实👍🏻性价比真系超高！估唔到一间看似普通嘅小店食物质素咁高！
特别要一赞呢度嘅侍应姨姨服务态度好好，好耐心推介唔同嘅食物迎合客人喜好，而且都好细心，好有家庭式经营嘅感觉，同客人有讲有笑，充满人情味，实在系很好嘅用餐体验，会再次帮衬！
焦糖咖啡疏乎厘
$28
140 浏览
1 赞好
0 留言
张贴
