東京大眾酒場 (已結業)

之前行过lost star见到依间大众酒场，装潢唔差又富有空间感已经想试下🏮壁画有心思，成间店都有种现代化嘅江户气思。门口仲有一个关东煮嘅档口，比你去自由点选关东煮。最好味嘅鸡汤，入哂所有精华。上面仲结咗一层香味十足又唔腻嘅鸡油，饮到啖啖心机。酸甜、充满果实香气嘅柚子☺️大大锅嘅美人锅，非常抵食。鸡件嫩滑，锅入面嘅鸡汤依然香醇，配上旺牙白嘅清甜，令我哋忍唔住饮咗半锅。萤光鱿鱼都比市价上嘅好食，鱿鱼本身爽脆，渍得冇死咸。食居酒屋又点可以唔食枝豆呢。我哋又嗌咗啲串烧，有鸡肾、牛舌、鸡肉串、大葱、鸡皮、秋葵等等，串烧小巧精致，调味得宜。再嗌埋浜烧，甲罗烧配薯片，蟹膏浓香加埋一丝丝蟹肉，大虾新鲜弹牙，虾头膏香四溢。坐得舒适，座位之间有距离，加上店舖地点都叫近奥运站，系聚会好选择之一。