粵品川

营业中

休息中

嗜辣嘅我成日都会捐窿捐罅揾吓边度有川菜食，朋友带咗我去佢屋企附近呢间川菜酒楼。 🐼 装修光猛有四川特色，空间感十足，座位宽躺适合大伙儿用餐。除咗川菜亦有广东菜或蒸海鲜等供应。🥢白胡椒酸菜烤鱼锅 $198半熟原条上嘅烤鱼喺锅内慢慢煮熟，鱼肉很嫩，汤底带浓郁白胡椒香气，酸香加胡椒香让人食欲大开! 有豆腐、薯仔、津白等配菜，汤头越煮越香浓，配菜入晒味，忍唔住一口接一口！🥢毛血旺 $118毛血旺系一道好粗犷嘅四川菜式，相等于川式大杂烩，呢度用嘅配料比起平时食到嘅更丰富，有牛柏叶、牛肚、猪大肠、牛肉、莴笋、午餐肉等，点左小辣- 麻度辣度都足够，麻、辣、鲜、香四味俱全，高温烹调过后一大盘上一路食都可以保持温度。🥢重庆辣子鸡 $90鸡件细细粒炸到好香脆，麻辣味浓，咸鲜醇香，略带甜味，送酒必点！餐厅位于屋村商场内，食物性价比高，由葵芳坐巴士去到餐厅都系大概15分钟左右，就可以以较亲民价钱享用性价比高嘅川菜。