丼瀛 (已搬遷) 新店位置

观塘而家多越来越多工厦美食，今次揾到依间黄到金嘅日本菜，当然要惩罚下～钟意食蟹嘅我就拣咗松叶蟹肉海胆甜虾丼同松叶蟹肉甲罗烧蟹膏丼。丼饭系套餐嚟仲会包埋沙律、味噌汤同餐饮，十分丰富，价钱同喺出面普遍日本餐厅比都较平，性格比好高！餐厅预先将蟹肉全部拆肉，蟹钳剥好壳，所以食得好方便。蟹肉同新鲜嘅海胆、甜虾、三文鱼籽铺满寿司醋饭，每一啖都好足料。另一碗嘅甲罗烧就只鹌鹑蛋可以捞埋落蟹膏度，食落冇咁漏但仲有好浓嘅鲜味，捞饭食一流。餐牌上仲有好多唔同刺身组合嘅丼饭选择，唔食刺身嘅都有熟食便当系列拣，店员仲介绍寿司／刺身／卷物同三款爆丼系周末午餐会特别做半价优惠，非常抵食，相信假日都会吸引到好多人嚟工厦食饭。