板神鉄板燒日本料理 (The Hennessy) (已結業)

铜锣湾，湾仔，尖沙咀同观塘都有分店。今次去左湾仔分店，系30楼，望到海景，铺内空间足够，坐位舒适。食物好味，价钱合理，已encore🤣 当日拣左午市商务套餐(2位用 $1680)，坐系bar枱可以睇住师傅整，好好的体验😍仲见到啲食材好新鲜。。前菜：鸭胸沙律配芝麻酱。刺身三款转左蟹肉他他，底层系牛油果。带子，几大只烧到金黄色，唔会太熟啱啱好，好有鲜味好甜，配埋三文鱼子，更有口感。。鲍鱼，好新鲜仲见到佢郁，唔会韧，好易咬好弹牙，配埋合汁好惹味。。龙虾，本身已经好鲜甜好多肉，面头有虾膏整嘅酱，好好味。龙虾汤，个龙虾头拎左去煲面鼓汤，提升鲜味，好甜好好饮。。澳洲和牛。薄烧，牛肉有肉汁好滑，入面包住葱花同蒜片，口感丰富，又惹味又香口。厚烧，牛肉嘅脂肪令到牛肉唔会太干，好食。和牛炒饭，超有镬气！和牛粒加埋蛋同葱花，炒到粒粒分明，就算好饱都觉得好好食。跟餐有个甜品。另外如果师傅有时间会整焦糖多士，虽然只是多士上洒左糖，再烧焦，但都好好味。推介！海鲜全部都好鲜甜，成个套餐嘅野食都好好味，价钱好抵。餐厅仲有好多其他套餐，有份量少啲或者配左唔用食料，例如虾，银鳕鱼，豚肉，可以根据喜好拣返。最近好似有优惠。