影片
更多
2021-03-30
213 浏览
Happy Friday嘅晚上当然要松放Relax一下(小新说法🤣)，我同朋友去咗湾仔告士打道一间新开嘅酒吧餐厅「Primo」。天桥底以至附近几个街口都见到易拉架嘅宣传，Marketing功夫做到足！餐厅行型格路线，门口有少量户外座位，内里就有两层，不过我哋坐喺下层，所以唔知上层系点。下层环境色调偏昏暗🌃，有吧枱或普通餐枱，两者都坐得舒服。再者，场内播住嘅英文歌首首都耳熟能详，令人偷快。作为一间酒吧餐厅，佢提供嘅食物同饮品选择一样咁多。食物以意大利菜式为主🇮🇹，主食不外乎意粉Pasta同薄饼Pizza，另外亦有沙律、前菜小食同甜品等。价钱唔贵啊，一份主菜平均都系百头至百中就有交易！意式开胃拼盘 Antipasti Platter ($138)，小食拼盘内容好丰富🤤，包括烟三文鱼、巴马火腿、莎乐美香肠、香草菲达芝士、青瓜、车厘茄同薄片披萨面包，每款份量均为四件，四个人食都无难度。我哋食得出烟三文鱼Smoked Salmon同巴马火腿Parma Ham应该系靓货，而且大大片，出手唔孤寒。不过讲到最惊喜一定系莎乐美香肠Salami🥓，呢片厚薄适中嘅香肠真系超好食，𠮶种肉嘅咸香浓得嚟唔缠人，仲
Happy Friday嘅晚上当然要松放Relax一下(小新说法🤣)，我同朋友去咗湾仔告士打道一间新开嘅酒吧餐厅「Primo」。天桥底以至附近几个街口都见到易拉架嘅宣传，Marketing功夫做到足！
餐厅行型格路线，门口有少量户外座位，内里就有两层，不过我哋坐喺下层，所以唔知上层系点。下层环境色调偏昏暗🌃，有吧枱或普通餐枱，两者都坐得舒服。再者，场内播住嘅英文歌首首都耳熟能详，令人偷快。
作为一间酒吧餐厅，佢提供嘅食物同饮品选择一样咁多。食物以意大利菜式为主🇮🇹，主食不外乎意粉Pasta同薄饼Pizza，另外亦有沙律、前菜小食同甜品等。价钱唔贵啊，一份主菜平均都系百头至百中就有交易！
意式开胃拼盘
$138
6 浏览
0 赞好
0 留言
我估计薄片披萨面包Pizza Bread Slides即系指拼盘上圆形嘅波波？虽然我哋无汁沾，但反而食得出面饼发酵后嘅香味，🍕从此我可以推断呢度嘅薄饼皮应该几有水准，只可惜今日唔饿就无食到。另外，酸酸嘅腌青瓜Pickles好开胃🥒，但我就略嫌份量少咗啲。菲达芝士Feta Cheese质感软软的🧀，奶味同咸味一样咁足。车厘茄Cherry Tomatoes就最普通，无乜好讲🍅。
西班牙辣蒜香杂锦海鲜汁缎带面 Mixed Seafood Gambas Fettuccine ($128)，本身想嗌比较特别嘅Cannellon，但店员话暂时只提供DIY Pasta，任我哋自由选拼意粉底同酱汁🍝，我有少少失望，不过无所谓啦。
酱汁(𩠌料)有六款选择，例如有素菜、肉酱、卡邦尼同我哋拣选咗嘅西班牙辣蒜香杂锦海鲜汁🇪🇸。意想不到个酱汁辣味几劲下🌶，如果唔食得辣就拣第款吧。另一边厢，蒜味亦好重，所以整体系几惹味嘅。海鲜有青口、虾肉、鱿鱼同鱼柳等，全部都几新鲜。Pasta方面，我哋要咗Fettuccine，但感觉上似Linguine多啲，因为偏幼身，不过口感唔错，够弹牙。
反烤苹果挞
$62
6 浏览
0 赞好
0 留言
苹果挞几有特色，挞底有别于平日比较常见嘅酥皮，我认为有啲似芝士蛋糕嘅饼底，带点烟韧嘅口感。🍎苹果肉并无切粒，反而系大大片咁铺喺挞面，经焦糖焗制后嘅苹果好淋、好入味。配角系大大球云呢拿雪糕🍨，味道唔错；再倒入埋热嘅吉士酱，就造出一冷一热嘅对比效果。
Alska - Apple Cinnamon & Winter Cider (HH $50)，Cider苹果酒好啱女仔饮，因为好易入口🍻，不过酒精含量都有4%㗎。我要嘅呢款偏重肉桂味，好香好正啊。最后介绍返呢枝酒系来自瑞典的🇸🇪。
总括嚟讲，Primo系一间几唔错嘅酒吧餐厅，食物出品相当有质素，加上性价比高，几值得推介啊👍！P.S.而家新开张有八折优惠，但唔知做到几时。服务方面，外籍店员们好有礼貌，有密切关注客人进餐过程中有乜需要，更会主动斟水同换碟，抵赞😁。
张贴
