上海小聚 (已結業)

放假又嚟北角揾食，今次经过马宝道试吓呢间上海饺子舖，店舖主打手打饺子，上海云吞，排骨菜饭同各款面食，选择非常之多而且性价比高，好多都可以跟套餐，有小食，主食同饮品都系$60左右前菜陈醋云耳咬落好爽口，微微食到醋嘅酸味仲有点麻辣味，相当开胃。面食就叫咗冷面同担担面，担担面除咗花生酱之外仲有点点微辣，而且里面有猪肉碎同花生碎粒，加埋弹牙嘅面条，浓郁而且口感十足，担担面仲配上麻辣猪肉，麻辣味十足，啱晒中意辣嘅人估唔到佢连冷面都有，冷面有蟹柳丝同青瓜丝，捞埋芝麻酱同小小Wasabi一齐食几清新。嚟到当然唔少得试佢嘅招牌菜煎饺子，韭菜大虾鲜肉煎饺子包到大大只，外型饱满而且煎得脆身，皮薄馅靓，一咬爆汁，食落韭菜味生香浓，猪肉同虾肉弹牙，佢套餐包10只饺子，如果可以双拼就更加好。套餐仲包姜汁芝麻小汤圆，钟意佢个姜汁汤底，饮落去唔甜辛辛辣辣咁，配埋甜甜地嘅芝麻汤圆一齐食啱晒。