聯興潮州飯店

营业中

休息中

呢間都係叫X興，都係喺上環，不過比起其他食潮州菜嘅「興」，呢間明顯價錢平好多但係質素又唔錯。鹵水拼盤嘅鹵水夠香夠入味，好欣賞佢嗰個鹵水墨魚唔係油到橙色，鹵水豬腩肉大部分都唔係好肥，不過其中有一嚿係成舊都係肥膏。潮式春菜煲好多春菜，開頭都驚佢好鹹，不過好彩佢又唔係喎，因為好多地方食咁樣春菜煲都比較鹹。普寧豆腐個味就比較淡，一定要點佢嗰個汁先至好味。白飯魚煎蛋好正，老闆娘話今日啲白飯魚靚所以叫我哋椒鹽或者煎蛋，我哋揀咗煎蛋。四個人每人百幾蚊真係抵食。