薈亞廚房 (已結業)

早两日同个朋友行街shopping，喺新都城行到攰攰地又饿饿地，于是就喺商场里面揾野食喇！初初行过见到荟亚厨房，装修都几新净，初初仲以为系西餐厅，睇睇menu先发现系荟萃亚洲菜色嘅餐厅。两个人紧系嗌个二人套餐啦，乜都有之余又够饱！先嚟一个椰子煲鸡汤，有蜡烛仔喺底下保持汤嘅热度，个汤非常足料，好多椰子片，啖啖浓郁鲜甜嘅鸡味，椰子同鸡嘅配搭非常开胃！我系一个无辣不欢嘅人，跟住上嘅系马拉盏炒通菜，菜好新鲜爽口，朋友觉得辣度刚刚好，我就钟意再辣小小。精选三小拼有惊喜，炸薄脆虾饼脆得嚟之余又唔会太油，虾味又够，食完好想encore再食多次！主菜系秘制去骨海南鸡配鸡油饭，秘制整嘅鸡皮好香，鸡肉亦都好幼滑，我建议大家试下唔点酱，就可以细味到厨师秘制嘅香味。