東京築地拉麵 (已結業)

今日终于唔系孤独食，都可以去食拉面啦！入到黎屯门市广场，系呢间东京筑地拉面食晚餐。好，坐底睇下有咩好食先。叫套餐会有精选小食送，每日不同。鱼介沾面，以豚骨同干鱼一齐熬制汤底，拉面粗身弹牙，大大旧半肥瘦叉烧好吸引。鸡白汤拉面，汤底系浓厚鸡味，拉面够爽口，除左鸡肉，仲有块薄叉烧，抵食！日式黑油鸡翼，肥美既鸡翼咬落啖啖肉，酱油好入味。饺子，煎得唔错，皮薄馅料足。和歌山纪州梅子冰，冰冻梅子酸酸甜甜，饮完够凉快。