博多拉麵別天神 (已結業)

今日夜晚约左个朋友系尖沙咀食饭，大家都想食拉面，最后就选择左呢间博多拉面别天神。七点钟，入到去唔算多人，时间尚早，入到铺头好日本feel，佢有d正常座位同埋bar 台，本身我地坐系bar 台，后尾有人走左，我地就转左去正常台坐，因为可以方便倾计。我地两个人坐底之后，就去落order，我地睇铺头出面既menu 已经谂好食d咩，我食虾味噌，而友人就食豚骨，我就配左个明太子沙律，而朋友就跟左个饺子，咁到时大家就可以share 食。坐定之后，觉得好似去左日本咁，因为佢播紧日文歌，加上佢既格局都好似日本式既拉面店，所以感觉好好。而佢台上面既调味料亦非常多。七调粉、红姜、芝麻酱等等日式酱料都有。首先黎既系我既明太子沙律同虾味噌拉面，佢拉面上面有好细细粒既虾仔，系虾味主要既来源。之后我再试我朋友既豚骨拉面我觉得比我既汤底更香，所以推荐豚骨拉面 ＞虾味噌拉面。值得一提既系拉面配菜既蛋，估计餐厅应该系选用左日本蛋，而且蛋味香之余仲好软lumlum，唔似出面一般d配菜蛋都系硬晒，好似已经煮左好耐咁。而明太子沙律同饺子就正常。而台面上亦有茶可以自己斟，食完坐左人，因为都开始多人系出面等位，所以我地就离开了，