至尊滿屋日本料理 (已結業)

今次黎到至尊满屋放题，疫情下原来都唔少人出黎食野，仲要系出黎食放题tin，睇黎大家都唔会太惊。系疫情下，餐厅都算做足防疫措施，入店舖之前，就会先量一量体温先，确保你唔系发烧先会比你入座，另外门口都有摆放酒精搓手液比客人用，同埋入内员工都有戴口罩,戴手套，所以入到去食得都几放心，但当然个人都要做下防疫，例如食野前要洗手咁。防疫方面都做得唔错，食物方面，刺身都算几新鲜好味，上枱速度都算快，唔会话落左单好耐都唔出。炸物方面，都睇得出系新鲜炸起既，可能因为即点即炸既关系，所以都比其他食物等得耐D，食落都唔错，炸粉既份量掌握得都几岩岩好，唔会太多。总体黎讲，呢间野既性价比都算几高下，同埋呢个环境下，最紧要系卫生都做足。