至尊滿屋日本料理 (已結業)

同朋友行完街，決定去旺角食放題， 地理位置都算方便喺瓊華中心7樓。 因為都算早六點鐘去到，所以唔需要等位， 空間唔算大，枱與枱之間距離比較少，如果想靜靜地傾計可能會有少少嘈。以放題餐廳嚟講，佢上菜速度都算快，唔會要等太耐，要上嘅嘢食亦都好齊。睇完所有嘢食，發覺佢款式都算多，一開始當然要試佢嘅刺身先啦，佢刺身都新鮮， 味道亦都唔錯。佢嘅麻辣鴨腎好好食，朋友叫咗兩次。特別要讚一讚佢嘅天婦羅蝦，炸得好好食。好喜歡佢嘅芝麻雞翼，真係好好食，個皮炸到好脆，雞肉好嫩滑。不過好可惜炸香芋波波冇貨，我好喜歡食的。佢嘅飲品櫃都好多飲品選擇。甜品方面除咗有甜品櫃，每人都會有一杯自選雪糕，而佢嘅自選雪糕係有dreyer's Haagen dazz 同 movepick 揀，都幾高質。總體嚟講都算唔錯， 性價比都幾高。