Chatterbox Express

营业中

休息中

约左朋友嚟太古食晚饭，朋友推介之下就嚟试下呢间新加玻菜。文华海南鸡饭鸡皮好滑，肉质非常鲜嫩，亦无多余既碎骨。米饭充满鸡油香，粒粒分明，唔会好重油腻感。特别钟意个秘制既黑豉油，味道好浓郁。新加坡肉骨茶面线有猪骨、蒜头、豆卜，仲有另上既油炸鬼。汤底既胡椒味好重，好似饮紧胡椒猪肚汤咁；猪骨肉质偏淋，份量都唔少；面线则十分挂汤，成碗面都做得好出色。黑酱油炒萝卜糕本色见到萝卜糕咁深色以为会好浓味，点知食落又唔系想像中油腻感咁重，反而带点点甜味之余亦Keep到萝卜糕本身既味道。蚝油小棠菜跟餐加$15就有碟清清地既菜，蚝油唔会加得太重同太咸，都几值得一试。椰子雪糕咖央三文治每件三文治既其中一片面包都搽满咖央酱，再加啲椰子雪糕一齐食，真系一流。冻美禄恐龙上面除左有美禄粉之外，仲有埋美禄波波，够哂甜又够哂邪恶。