城意 (已結業)

同朋友提起好耐冇去澳门，有啲挂住当地葡国菜，于是佢就揾咗间葡国餐厅带我去解下瘾😳餐厅好宽阔，环境舒服，入面仲有自助沙律吧同甜品柜，甜品柜有多款精致蛋糕，七彩缤纷，劲吸引✨一人餐包咗沙律、蒜蓉包、前菜、主菜同餐饮，沙律系自助形式，可以自己选择食材搭配，材料都好新鲜，选择亦多，我钟意食嘅都应有尽有😍红菜头、粟米、薯仔苹果沙律、蕃茄仔等～🔸葡国初榨橄榄油黑醋凉拌深海元贝🔸前菜都有好几款选择，拣咗黑醋元贝，造型好精致，粉红色泡泡盖住下面大大粒元贝，元贝好弹牙，配上酸酸地嘅黑醋非常开胃👍🔸葡汁时蔬农夫包🔸话明食葡国菜又点可以少得葡汁！主菜农夫包入面系满满嘅葡汁炖菜，有蘑菇、萝卜、青瓜、小蕃茄、芝士、肠仔同椰菜等。葡汁好香浓，焗到脆卜卜嘅农夫包夹埋啲葡汁同炖菜一齐食～正🤤🔸葡国烤乳猪🔸无理由得菜冇肉肉🙈听闻呢度烤乳猪系招牌菜，一于叫嚟试下～乳猪外皮超薄超脆，肉质非常嫩滑🤤皮同肉之间有少少脂肪，食落油香四溢😍搭配嘅酱汁同青木瓜都带有少少酸味，食完都唔会太油腻👍餐点份量好丰富，本来仲打算餐后叫件蛋糕，可惜太饱，唯有下次再黎试😆