影片
更多
2019-09-23
114 浏览
放工约左朋友系荃湾食晚餐，黎过荃湾都知荃湾系好多好野食，谂紧食咩之际，见到夏面馆做紧$20任食甜品放题，甜品控既我就俾任食甜品吸引左!嫩鸡煨面 （$55）可能受朋友既影响，宜家去衬上海餐厅都会叫嫩鸡煨面，夏面馆既嫩鸡煨面的确高质既，首先要讲佢真系超级大碗先啦，一个人应该食唔哂。另外，汤底系好香浓既鸡汤，啲鸡又真系好嫩，一啲都唔‘鞋’，而且又有好多菜，感觉上好清，唔似上海菜比人油腻既感觉。😂😂鲜肉小笼包 （$38）小笼包又系无得输既，真系做到皮薄涵靓。皮薄之余，个肉仲好鲜好juicy, 同埋小笼包入面既汁多到，一咬就爆哂啲汁出黎🤤🤤 加埋个醋同姜丝真系无得输！之前上网睇到人地教点食小笼包，下次要试下先。干扁四季豆（$55）四季豆都系卖飞佛，我钟意食上海餐厅既干扁四季豆，原因系通常都食到镬气😂 呢度既四季豆加左虾米好有咸香，好味到可以捞饭食！鸡丝粉皮 （$52）个鸡丝粉皮都好好食，啲鸡丝都系好幼嫩，加埋芝麻酱捞埋黎食，好好味！甜品放题 （$20）只要人均消费满$120，就可以用$20 试到甜品放题。甜品放题有9种甜品拣，我就试哂呢9款，大🈵足！夏味熏蛋、南瓜饼、擂沙汤圆、猫山王榴连高力、高
放工约左朋友系荃湾食晚餐，黎过荃湾都知荃湾系好多好野食，谂紧食咩之际，见到夏面馆做紧$20任食甜品放题，甜品控既我就俾任食甜品吸引左!
嫩鸡煨面 （$55）
可能受朋友既影响，宜家去衬上海餐厅都会叫嫩鸡煨面，夏面馆既嫩鸡煨面的确高质既，首先要讲佢真系超级大碗先啦，一个人应该食唔哂。另外，汤底系好香浓既鸡汤，啲鸡又真系好嫩，一啲都唔‘鞋’，而且又有好多菜，感觉上好清，唔似上海菜比人油腻既感觉。😂😂
鲜肉小笼包 （$38）
小笼包又系无得输既，真系做到皮薄涵靓。皮薄之余，个肉仲好鲜好juicy, 同埋小笼包入面既汁多到，一咬就爆哂啲汁出黎🤤🤤 加埋个醋同姜丝真系无得输！
之前上网睇到人地教点食小笼包，下次要试下先。
干扁四季豆（$55）
四季豆都系卖飞佛，我钟意食上海餐厅既干扁四季豆，原因系通常都食到镬气😂 呢度既四季豆加左虾米好有咸香，好味到可以捞饭食！
鸡丝粉皮 （$52）
个鸡丝粉皮都好好食，啲鸡丝都系好幼嫩，加埋芝麻酱捞埋黎食，好好味！
甜品放题 （$20）
只要人均消费满$120，就可以用$20 试到甜品放题。甜品放题有9种甜品拣，我就试哂呢9款，大🈵足！
夏味熏蛋、南瓜饼、擂沙汤圆、猫山王榴连高力、高力豆沙、桂花拉糕、姜茶汤圆、豆沙锅饼、酒酿丸子。
咁多款甜品，我最钟意夏味熏蛋，做到半熟之余又流心！另外猫山王榴梿高力，一切开就有好香嘅榴梿味飘出嚟，榴梿味齿颊留香！我都好欣赏𠮶个雷沙汤丸，个汤圆系流心㗎，好正！
张贴
