影片
更多
2021-02-27
1017 浏览
前排庆祝生日同男友拣左哩间价钱亲民及比较casual既fine dining餐厅🎂 餐厅主打创新法式fusion料理，某啲dish会加入一啲日式、意式或者其他国家既元素，非常特别。以$440 三个course哩个价位黎讲，食物质素唔错，个人认为前菜比主菜更有惊喜。餐厅位于尖沙咀icc101楼，一路食lunch一路从高处眺望维港景色，成个用餐过程好享受🏙️☀️ *,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🦪 Gillardeau N'2 Oyster ($49 per pce)新鲜清甜，入口顺滑，虽然哩个品种既蚝一般黎讲会比较浓味，但我地当日食到既两只味道属于比较subtle同柔和，亦都冇好强烈既余味，但系吸引之处系每一啖咬落去都觉得蚝味同海水味完美混和，哩种味道令食落去既感觉比其他蚝更舒服，再配搭红酒醋一齐食，更加能够钓出蚝既鲜味😌 另外上菜前侍应会附上芝士薄脆、面包同烟熏牛油。面包超级好食！😍 外面烟韧香脆，入面好软熟而且唔干，并带有小麦既香气🌾 旧牛油亦都非常值得一赞👍 香滑得黎，烟熏味亦好特别𝐌𝐢𝐱 & 𝐦𝐚𝐭𝐜𝐡 𝐥𝐮𝐧𝐜𝐡 (𝟑 𝐜𝐨𝐮𝐫𝐬𝐞𝐬
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
🦪 Gillardeau N'2 Oyster ($49 per pce)
新鲜清甜，入口顺滑，虽然哩个品种既蚝一般黎讲会比较浓味，但我地当日食到既两只味道属于比较subtle同柔和，亦都冇好强烈既余味，但系吸引之处系每一啖咬落去都觉得蚝味同海水味完美混和，哩种味道令食落去既感觉比其他蚝更舒服，再配搭红酒醋一齐食，更加能够钓出蚝既鲜味😌
另外上菜前侍应会附上芝士薄脆、面包同烟熏牛油。面包超级好食！😍 外面烟韧香脆，入面好软熟而且唔干，并带有小麦既香气🌾 旧牛油亦都非常值得一赞👍 香滑得黎，烟熏味亦好特别
𝐌𝐢𝐱 & 𝐦𝐚𝐭𝐜𝐡 𝐥𝐮𝐧𝐜𝐡 (𝟑 𝐜𝐨𝐮𝐫𝐬𝐞𝐬 $𝟒𝟒𝟎) 我同男朋友每个course分别嗌左唔同既款式，所以前车、主菜同甜品会各有两款
« 𝓢𝓽𝓪𝓻𝓽𝓮𝓻𝓼 »
🐟 Corsican Sea Bass
海鲈生鱼片，摆碟美观。调味分别有柠檬片，刁草，面包碎，细葱，胡椒，同埋非常香既橄榄油，上菜时侍应亦会喺面前刨新鲜柠檬皮增加菜式既香气🍋 鱼生片味道细腻甘甜，整体味道亦平衡得几好，虽然份量唔算多，但胜在口感软滑，而且酸酸地几fresh几开胃
🥚Japanese Egg
拮碎面头既薄脆之后，底下系一只用红酒汁煮既poached egg、法国锅牛、炒过既蘑菇同埋菠菜。红酒汁估计有用beef stock一齐煮，味道带有少少肉香。锅牛煮得岩岩好，完全冇煮得过熟而令到口感好韧。底下配料既口感偏向湿润绵滑，同上面既薄脆同干蘑菇形成强烈既对比，所以一啖食落去口感非常丰富💖 个人认为哩味starter比上面既生鱼片喺味道同层次感上都更出色，亦系当日食既众多款dish入面最好味既😋
« 𝓜𝓪𝓲𝓷𝓼 »
🐙 Japanese Cuttlefish
就咁睇系一道平平无奇既pasta dish，但其实厨师仿照左carbonara既特色而去reconstruct入面既元素，令佢成为一道法式同意式fusion既菜式。主要材料有打成泡沫既Parmesan cheese同埋传统carbonara会用到既烟熏猪腩肉🧀🥓 而入面既“pasta”并非系传统用面粉搓成既面条，而系一部分用上墨鱼，而另一部分用芹菜做既😂 两款“pasta”捞埋一齐睇落冇乜分别，但系咬落会觉得墨鱼既部分软得黎有少少烟韧，而芹菜既部分则非常爽滑，口感好有趣🧐 味道方面就比较淡，主要都系保留返芝士同猪腩肉作为成个dish最主要既味道来源。而为左衬托返海鲜哩个主题，上面仲加左啲三文鱼籽，相比起另一款main，哩款既食材同味道有连贯性得多，但因为浓郁既芝士味同埋份量颇多既pasta，食到最后会觉得有少少腻
🐂 Veal Osso Buscco
绿色既酱汁系打成泡沫既青咖喱汁，食落唔辣，味道比较温和淡雅。然后橙色既系萝卜蓉，入口酸甜，但酸味非常sharp，有少少破坏左味道上既平衡🙈 伴碟仲有豆腐粒同埋烤萝卜，虽然萝卜几嫩，但系唔觉哩两样食材对于成个dish既味道配搭起左啲咩作用。牛肉既肉质结实，但又唔会干同柴，入口易咬，味道比较系单纯既肉味，冇特别调味或处理上有特别既惊喜，同青咖喱汁亦未有好惊艳既和应感觉，整体黎讲一般
« 𝓓𝓮𝓼𝓼𝓮𝓻𝓽𝓼 »
🌰 Mont-Blanc
栗子味非常浓郁特出😋 旁边系质感非常滑溜既栗子雪糕，面头系枫叶形状既杏仁薄脆🍁 有阵微微既焦香味，同栗子挞一齐食会有种食紧炒栗子既感觉，挞既表皮好薄好酥脆，挞中间有一层柚子果酱，但系味道上同栗子唔系太夹，我觉得就咁mont-blanc加雪糕同杏仁薄脆已经非常出色，柚子果酱有一种画蛇添足既感觉😬
🍮 Soufflé
梳乎厘系earl grey味，旁边仲有hazelnut sauce同云呢拿雪糕作为衬托 ，梳乎厘茶味浓郁☕ 入面既质地系半生熟，属于比较流质同creamy，个人prefer熟返少少，多返少少焗起黎既软绵绵口感
张贴
