水木日本料理 (已搬遷) 新店位置

水木居酒屋装修骨子，以木为主要材质，配上昏黄既灯光背景，坐得非常舒适。加之餐厅特别有射灯照住用餐既台面，唔会暗到睇唔到食物睇唔到人，非常好既setting。午餐试左个烧银鳕鱼定食，鱼系西京烧既做法，份量够大，有男性手掌size, 厚厚地身而且肉嫩多油份, 师傅煮既时间拿捏得几好，鱼皮仲系外脆内韧。朋友食左个三色丼饭同滑蛋吉列猪扒丼，鱼生部分都新鲜好食，无论吞拿鱼蓉同海胆都对得起个价钱。吉列猪都多汁肉厚，加埋前菜三宝，茶碗蒸，沙律同面豉汤，足够饱肚。另外，茶碗蒸要点评系整得几好食既。