那個ㄋㄚˋ ㄍㄜ˙ (埃華街) (已搬遷) 新店位置

上网睇好多食评都有介绍既台湾菜，价钱唔贵又大份。今日未够7点去到，唔洗排队。叫左个香酥排骨便当，便当配饮品有特价，但再追加小食既话，价钱系无分别既。个香酥排骨份量真系好夸张，大块到有2只男士手掌咁大，味道都好食，不过以普遍香港人黎讲，有d重口味。配菜粉丝同蛋都好好食。$68咁大份真系好抵食。饮品追加叫左柠檬冬瓜爱玉，加$19，另外加大多$3，大杯抵饮。因为75%糖，所以有d酸，怕酸既朋友要注意下。由于最低消费系每人一个便当/一杯正价饮品，小食唔计。我都冇留意到，所以后尾先加返杯正价饮品。叫左凤梨冬瓜茶加寒天$35，都系75%糖，呢杯既甜度啱啱好。小食拼盘系便当到追加，不过价钱到散叫冇分别。menu冇写拼盘包乜，我地今日叫里面有：台湾肠一条、甜不辣两件、台南虾卷两件，同梅子地瓜薯条小份。小食都好食既。而我计过散叫拼盘里面既小食分分钟仲抵过叫拼盘，所以大家如果唔系一定要食晒几款既话或者拼盘冇包到你想食既小食，可以自行决定叫拼盘定散喇。除左小食拼盘，我哋仲叫左个香酥鱿鱼足。炸得几好，唔会太硬，调味都好。不过可以注意下隔油既问题，我食到中间已经见到个底好多油。呢个位真系要改善下。