金船長餐廳 (已結業)

原本以为奥海城已经好多好野食估唔到奥运站行过啲有间性价比几高既西餐厅！我地叫左黑松露pizza 估唔到真系有惊喜 配埋佢自家制个提子醋认真一流！食西餐自然会想食蒜蓉包 牛油搽得好满 渗哂入面包到 十分香口！主食方面我地叫咗个猪肋骨配薯蓉 猪肋骨好大份 肉质鲜嫩煮到岩岩好 唔痴骨得黎又唔会话啲肉好老 证明厨师拿捏得好好！薯蓉方面有好多馅料 有胡萝卜粒同其他配料 食落口感好丰富 又唔会话太咸 而且薯蓉质感十分滑身！甜品方面食左心太软 整得都唔错 配埋个雪糕同伴碟既生味完全唔觉得腻野饮方面我地叫左白牛同红豆冰 红豆冰略嫌太过creamy 红豆偏少 其他整体都唔错！