金坊泰國美食

营业中

休息中

太耐无得去泰国旅行，今日想同男朋友去食泰国嘢，之后去咗荃湾呢间泰国嘢到试吓，一入到去，地方光鲜，而且座位亦坐得唔系好迫，之后睇吓餐牌，有好多唔同款嘅泰国嘢食，之后我同男朋友叫咗三个𩠌，分别有咖喱炒软壳蟹、香叶肉碎炒饭、再加多个泰式炒通菜，首先讲吓个咖喱软壳蟹，咖喱味浓郁，而且唔太辣，用嚟捞饭一流，而软壳蟹方面，炸得啱啱好，可以成只蟹摆落口食，非常爽脆，而香叶肉碎炒饭，少少辣味，又有泰式嘅风味，我男朋友食咗半碟，话炒得非常好食，最后泰式炒通菜，辣得非常过瘾，佢个汁简直就一流，非常开胃， 总括而言，如果你想用一个正常价格，去食一餐比较上好嘅泰式野，呢间绝对系你嘅选择，佢仲有其他唔同嘅泰式𩠌菜同嘢饮，选择繁多，总有一种啱你口味。