Chelsea Garden & Restaurant (裝修中)

都话佐敦多嘢食㗎啦，今次庆祝生日又来到佐敦区。呢度名副其实装修到好似个花园咁，一入到黎已经觉得好relax，佢仲有一个露台仔，装饰得好靓，可以出去影吓相。你间餐厅主打西班牙菜，佢哋有好多海鲜set。由于我地第一次嚟，又见到佢个signature dinner set价钱好吸引，仲可以拣生蚝做头盘，所以我哋叫咗煎比目鱼柳，同埋烧黑毛猪柳。首先先讲生蚝，佢个set入边有两只，今日嘅生蚝系法国胃黎，食得出好新鲜，充满惊喜。汤系忌廉蘑菇汤，不过不失。至于主菜嘅厚切黑毛猪柳则非常juicy，我好钟意好似猪柳，因为比较有口感，真系好好食。煎比目鱼亦都煮得啱啱好，一啲都冇overcook，个皮又煎得好香好脆 👍🏻, 我真系好怕over cook 咗嘅鱼，鞋十十，好难食。最后当然唔少得生日快乐嘅甜品，我哋叫咗心太软，非常流心，一啲都冇焗死个心太软 👍🏻呢间餐厅性价比真系好高，食物质素一流。我哋走嘅时候见到隔离枱食西班牙海鲜饭，成个卖相好靓，我哋下次会试吓。