令和居酒屋

营业中

休息中

令和鱼生丼($188)，超级足料既鱼生饭目测有8款，性价比绝对超值，最重要系有我最爱既刺身虾，黏黏地痴住d牙既口感系最正，其他鱼生都系用鱼腩部位，口腔充满鱼既油脂香味，带点蟹籽一齐食增加口感。香辣吞拿鱼丼($118)，铺满粒粒角切吞拿鱼粒，酱汁系带甜甜辣辣，用左千岛汁混合店家自家秘制辣汁而成，味道好夹。什锦天妇罗($68)，有5款炸物，分别系虾、粟米仔、蕃薯、茄子、南瓜，油纸上油份不多，证明就算炸物仍然不油腻，每件炸得好脆而且热辣辣，炸虾够弹牙好新鲜。烧和牛舌($38)，牛舌既牛味好浓而且有油脂甘香，晒上黑胡椒和七味粉，所以食落会带点微辣，丰富味蕾，而且系厚切有咬口。烧广岛生蚝($48)，共2只，酱汁同样加左千岛汁再去烧，生蚝圆润饱满，烧熟左仍然好大只，唔会缩得好细，咬开后，肉里面好多汁，唔会烧得干身。烧鸡棒($22)，鸡肉串内食到有粒粒鸡肉，口感层次丰富，面层有甜甜地，应该系涂上左蜜糖。蜜桃薄荷梳打($48)，层次唔错，因为最初系饮到蜜桃味，跟住薄荷味慢慢从口腔渗出，而且越黎越浓郁。