影片
更多
2020-04-05
62 浏览
最近睇完大热韩剧爱的迫降，于是成日都忍唔住心思思想去食炸鸡，今次竟然比我揾到一间超抵食嘅炸鸡，仲要系放题🍗！首先讲讲店面，都卫生整洁。仲有免费嘅廖袋借用添！而我今日食嘅放题就系呢一款，包括五款炸鸡任食、人参鸡汤配芝士紫菜饭、韩国芝士拉丝猪手、拉丝芝士紫菜卷蛋！都只系百几蚊埋到单，真系抵到烂😂😂😂平时食炸鸡都成二百蚊七八件到，唔好谂住佢好平，就应该质素麻麻地，想讲炸鸡嘅质素真系唔差㖞，任食黎讲性价比好高！炸鸡口味有五款，包括芝士、蜜糖、甜辣酱、姜葱同秘制酱油！店员会一次过送上五款炸鸡俾大家试一试，唔够喉嘅当然可以继续任添啦！芝士味炸鸡非常香口，外皮脆脆，而入面嘅鸡肉一啲都唔干身，仲几Juicy添㗎 ！芝士味系有，不过就唔算好突出！另外我最钟意嘅就系姜葱，姜葱炸鸡系类似酱油炸鸡咁，而上面加上一咋姜葱，真系好惹味好夹！当然蜜糖味同秘制酱油味都几好食，不过呢啲湿湿地嘅炸鸡食落都几饱，虽然话系任食，但系我同朋友食咗一转之后就已经到饱啦，因为呢个餐仲有其他任食嘅项目㗎嘛！之后店员就会送上拉丝猪手，呢一个猪手比想像中有惊喜，猪手肉质软稔，而且卤水味超浓郁，伴埋铁板芝士拉丝真系够晒邪恶！之后就到韩式蛋
首先讲讲店面，都卫生整洁。仲有免费嘅廖袋借用添！
而我今日食嘅放题就系呢一款，包括五款炸鸡任食、人参鸡汤配芝士紫菜饭、韩国芝士拉丝猪手、拉丝芝士紫菜卷蛋！都只系百几蚊埋到单，真系抵到烂😂😂😂
平时食炸鸡都成二百蚊七八件到，唔好谂住佢好平，就应该质素麻麻地，想讲炸鸡嘅质素真系唔差㖞，任食黎讲性价比好高！炸鸡口味有五款，包括芝士、蜜糖、甜辣酱、姜葱同秘制酱油！店员会一次过送上五款炸鸡俾大家试一试，唔够喉嘅当然可以继续任添啦！
芝士味炸鸡非常香口，外皮脆脆，而入面嘅鸡肉一啲都唔干身，仲几Juicy添㗎 ！芝士味系有，不过就唔算好突出！
另外我最钟意嘅就系姜葱，姜葱炸鸡系类似酱油炸鸡咁，而上面加上一咋姜葱，真系好惹味好夹！
当然蜜糖味同秘制酱油味都几好食，不过呢啲湿湿地嘅炸鸡食落都几饱，虽然话系任食，但系我同朋友食咗一转之后就已经到饱啦，因为呢个餐仲有其他任食嘅项目㗎嘛！之后店员就会送上拉丝猪手，
呢一个猪手比想像中有惊喜，猪手肉质软稔，而且卤水味超浓郁，伴埋铁板芝士拉丝真系够晒邪恶！
之后就到韩式蛋卷，
呢度嘅韩式蛋卷入面都主要系芝士同埋紫菜，而出面都铺有铺住茄酱同埋芥末酱，呢一度嘅所有嘢份量都好大份，每样野只系上一次我已经食唔晒啦🤣🤣最后唔少得嘅当然有呢一个人参鸡汤，
虽然人参味就唔重，但系鸡嘅份量都真系唔少，啲鸡好嫩，呢一个汤其实系一开始就上，俾你饮啖汤暖下胃，之后再食炸鸡猪手蛋卷。最后店员其实仲会帮你做一个鸡汤芝士紫菜捞饭，可惜到呢个时候我哋已经饱到食唔落啦，但如果大家多人嘅话可以试一试！最后系食炸鸡点少得饮啤酒呢，呢度嘅啤酒都做紧买二送一！
总括而言百几蚊食到呢一个仼食质素，其实真系算非常唔错！
张贴
