銘陽車仔麵 (已搬遷) 新店位置

约左朋友去city walk 睇戏，见时间仲早，行左去路德围食野，见到新开左间车仔面，写住无味精，大大碗，就同朋友试下啦。我地两个人叫左碗四𩠌车仔面，一碟台式炸豆腐同椒盐鸡翼。车仔面份量好够，芝士丸都有三粒，牛筋牛肚比得一d都吾孤寒，好香又好淋，木耳就正正常常无得输，但最特别既地方系佢既面底有好多选择，除左平时普通个d粉面，仲有刀削面、银丝面同兰洲拉面等等，朋友简左刀削面，煮得岩岩好，带点弹牙，我地叫左个小辣酱，个汤底惹味得黎又唔会太咸。台式炸豆腐应该系即叫即炸，外脆内软，单食就清淡d,但配埋个秘制酱真系好好味，呢个酱我点其他野食都好画龙点睛，一定必食！相比之下，鸡翼无令我太惊叹，不过赢在够香脆，又吾会成阵油益味，只只都大大只，都好抵食！总而言之，食完又唔会话太口干，我谂应该真系无落味精，而且大碗又多𩠌，性价比好高，下午茶时间仲会送野饮，我觉得可以做长期饭堂！