清心齋 (已結業)

住喺沙田咁耐都唔知呢度有间清心斋🤣之前喺深水埗有朋友请过我食一次芝麻糕，觉得几好味，芝麻味十足，口感又好爽口。我一直都想再食返，但系深水埗又太远，点知原来沙田禾𪨶有分店，实在太方便啦🤩今次除咗买芝麻糕之外，我仲试埋芝麻糊、香芋糕、芦荟椰汁糕同红枣糕🤩当中我最欣赏就系芝麻糊，大大碗，份量足，味道亦相当好，性价比好高。闻落去已经好香芝麻味，热辣辣咁样食特别香特别浓，不过食完好有饱肚感，所以两个人share食就会更好😛芦荟椰汁糕都几好，好啱当饭后甜品，芦荟同椰汁都几match~又唔会好甜。红枣糕同香芋都ok，食得出真系好足料，而且唔会好甜好腻，都算系色香味俱全。唯一美中不足嘅就系街市环境，冇得坐低慢慢食，而店员姐姐都几有礼貌，好热情咁同我介绍每款食物。店员姐姐话豆腐花都几多人买，我下次会试埋佢哋嘅豆腐花😛