I Café

营业中

休息中

今日去科學館睇恐龍，去左附近既半島中心食左個lunch…估唔到呢個商場既1樓都有幾間食肆。見到呢間icafe..餐牌價錢相宜，而且仲好多款式。所以決定一試。食客都相當多，坐得滿滿。呢間餐廳2:30開始仲有下午茶時間。但由於我地距離下午茶仲有一段時間，所以食返個lunch set先。多款set lunch…仲可以以優惠價加賺飲品。套餐仲有餐湯。什菜蕃茄湯同粟米忌廉湯。都相當足料好飲，唔錯唔錯。飲品方面，我選了抹茶紅豆鮮奶。抹茶味相當濃郁，配埋綿綿紅豆，大滿足，整杯野飲都真材實料，紅豆都超多，好飽肚好滿足。另一杯是紅豆冰，紅豆數量都是爆多，有成半杯紅豆，好吸引，好好味。呢款All day breakfast…相當抵食。價錢都十分合理。入面有司華力腸、黑松露炒蛋、牛角包、茄汁豆、煙肉、火腿、薯餅、沙律⋯⋯包羅萬有，完全咩口味都試到d…味道又唔錯，好吸引好抵食。另外點了龍蝦汁珍珠帶子燴意粉。估唔到呢個意粉既味道都相當有驚喜，吃起來好好味，白汁味不會過濃過杰身，汁醬配合得剛剛好，而且仲有醒珍珠帶子為食材，唔錯唔錯。份量都岩岩好。