Rimi Cafe (已結業)

登打士广场大家都去得多，而我地今次就拣左系20楼既Rimi Cafe。一入门口已经见到各种文宣，环境都算安静同干净，又可以坐得耐，适合大家约埋一齐reu倾计。Rimi Cafe仲好贴心，准备左纸袋比我地放口罩。我地系晏昼时间去，人流都唔算太多，我地叫左两个snack，分别系芝士焗西兰花同蜜糖芥末鸡翼。西兰花比较清淡，适合食到一半有d济既时候食返啖，上面既芝士都好有份量，做到邪恶拉丝既效果。鸡翼就比较重口味，而且系新鲜出炉，鸡皮仲系又热又脆。至于主食我地就叫左烟三文鱼配忌廉杂菌天使面同卡邦尼意粉。天使面酱汁非常多，配埋杂菌味道好夹。而卡邦尼都好creamy。我地叫既lunch set都系包左野饮，野饮既选择都非常多，又可以加钱转其他特饮，总括黎讲都唔错。