影片
更多
2019-09-26
559 浏览
因為男友ot而冇人陪既我，決定今晚做電燈膽痴住朋友同佢男友一齊搵食，呢間cafe seoul爆滿兼有人等位，即時吸引左我地既目光，揭揭餐牌見到價錢唔貴 (比起其他韓國餐廳)，即管等下位啦!當時係平日既8點半左右，最後只等左10分鐘就入得，因為喺店外已經一早睇好餐牌，所以一坐低就可以即刻落單，而店員亦手腳好快地遞上免費既小菜同茶水，小菜係泡菜同豆芽，隔離枱2個人就一碟，我地3個人就有2碟，幾大方唔孤寒。最先上枱既係泡菜煎餅，三小塊，但佢地加埋係會比其他餐廳既一大塊大，味道唔錯，亦唔油，推薦。已經撈好左先記得影相既石頭鍋飯，上枱時俾埋辣醬同湯，不過我唔係好肯定個湯係跟呢個飯定係其他菜式，冇印象餐牌有寫，個飯表面睇落係全素，但食落會食到少少牛肉碎，我鐘意佢個冬菇唔係切到一絲絲而係一片片，而且飯量都夠多。呢個係蜜糖醬油炸雞，甜度對我黎講甜左少少少少，醬油味唔突出，肉質juicy，食完之後唔會有一種好熱氣既感覺，下次再黎我會試下其他味道。最後既牛肉紫菜卷我地三人一致認為麻麻地，牛肉好un，飯粒乾身偏硬，個卷易散，不過麻油味幾香。呢間餐廳性價比高，大機會encore，多d人一齊食可以嗌多幾款sha
當時係平日既8點半左右，最後只等左10分鐘就入得，因為喺店外已經一早睇好餐牌，所以一坐低就可以即刻落單，而店員亦手腳好快地遞上免費既小菜同茶水，小菜係泡菜同豆芽，隔離枱2個人就一碟，我地3個人就有2碟，幾大方唔孤寒。
最先上枱既係泡菜煎餅，三小塊，但佢地加埋係會比其他餐廳既一大塊大，味道唔錯，亦唔油，推薦。
已經撈好左先記得影相既石頭鍋飯，上枱時俾埋辣醬同湯，不過我唔係好肯定個湯係跟呢個飯定係其他菜式，冇印象餐牌有寫，個飯表面睇落係全素，但食落會食到少少牛肉碎，我鐘意佢個冬菇唔係切到一絲絲而係一片片，而且飯量都夠多。
呢個係蜜糖醬油炸雞，甜度對我黎講甜左少少少少，醬油味唔突出，肉質juicy，食完之後唔會有一種好熱氣既感覺，下次再黎我會試下其他味道。
最後既牛肉紫菜卷我地三人一致認為麻麻地，牛肉好un，飯粒乾身偏硬，個卷易散，不過麻油味幾香。呢間餐廳性價比高，大機會encore，多d人一齊食可以嗌多幾款share，不過店面唔大，要有心理準備等位喇。
张贴
