Kim's Spoon (南豐中心) (已結業)

8号风球有假放，紧系落街行下揾野食啦😁，系荃湾南丰中心见到间食韩国野既餐厅，唔洗等位就试下啦。睇完个餐牌，价钱相宜，叫左个双并午餐（牛肉饭并泡菜猪肉粉丝，牛肉饭普普通通，牛肉比较韧，猪肉粉丝就几好食。至尊豆腐辣汤，好多𩠌，有虾蚬猪肉金菇香茹，呢个好味，个汤底唔会好咸，辣味都啱啱好。（我个人唔算好食得辣😝）仲点左个小食 芝士条，佢有几个味选择，我就叫左个薯仔烟肉味，呢个可以一试，几好食，外面好脆，中间既芝士薯仔烟肉好香浓。饮品就叫左苹果柚子梳打，无特别，最欣赏系加$12就有咁大大大杯，抵饮！呢间算性价比高，平均人头都系$7x，下次要再嚟试其他食品。😋😋😋