影片
更多
2017-05-04
166 浏览
本身我都喜爱食厨师发办既日本菜，因为食材相对新鲜，质素亦相对比一般既日本餐厅高，连续放左几日假，最后一天假期要对自己好一点，特意同好友相约食晚饭，去左依间omakase既日本料理餐厅享受一下餐厅以简单吧枱座位设计，虽然店铺唔大，但感觉宁静，食得轻松自在，座位前方放左我地既英文名折纸同鱿鱼折纸，相当有心思，而且厨师亦都系日本人主理，感觉更地道我地点左<<潮-USHIO>> 总共有七款𩠌菜，首先上季节前菜盛合，卖相非常精致，由左至右食起萤光鱿鱼: 腌制后非常浓郁入味，伴酒食一流芝士萝卜: 第一次食芝士拌日本萝卜，萝卜酸味中和芝士既滞腻感，味道出奇地夹，几可口三文鱼明太子碎旁放左数片可食用既菊花瓣同牛蒡而寿字盅内系黑松露鱼块，食落有微微既黑松露香，味道刚刚好且唔会过份浓烈鸡肾: 第一次食生既鸡肾，卖相确实令人有点恐惧，但估唔到入口比想像中好味，完全无血腥味，腌制后味道香浓，带少许爽脆口感，几有惊喜希灵鱼籽拌海带: 食落浓郁带咸，爽脆口感，咸道系容易接受的，拌酒的确不错半熟流心蛋: 上面放左明太子，入口滑溜食落有阵阵明太子既味道，爽滑口感两兼备<<
享受一下
餐厅以简单吧枱座位设计，虽然店铺唔大，但感觉宁静，食得轻松自在，座位前方放左我地既英文名折纸同鱿鱼折纸，相当有心思，而且厨师亦都系日本人主理，感觉更地道
我地点左<<潮-USHIO>> 总共有七款𩠌菜，首先上季节前菜盛合，卖相非常精致，由左至右食起萤光鱿鱼: 腌制后非常浓郁入味，伴酒食一流芝士萝卜: 第一次食芝士拌日本萝卜，萝卜酸味中和芝士既滞腻感，味道出奇地夹，几可口三文鱼明太子碎旁放左数片可食用既菊花瓣同牛蒡
而寿字盅内系黑松露鱼块，食落有微微既黑松露香，味道刚刚好且唔会过份浓烈
鸡肾: 第一次食生既鸡肾，卖相确实令人有点恐惧，但估唔到入口比想像中好味，完全无血腥味，腌制后味道香浓，带少许爽脆口感，几有惊喜
希灵鱼籽拌海带: 食落浓郁带咸，爽脆口感，咸道系容易接受的，拌酒的确不错半熟流心蛋: 上面放左明太子，入口滑溜食落有阵阵明太子既味道，爽滑口感两兼备
<<刺身三种盛>>分别系油甘鱼、深海池鱼同生蚝，油甘鱼同深海池鱼都系厚切，食落肥美甘香，入口非常鲜甜无雪味，生蚝上放左三文鱼籽，口感爽嫩鲜甜，落少少酸汁一齐食可解滞腻感，依度既刺身质素确实一级赞
<<烧物-煎山女鱼>>第一次食依种鱼，煎得好香口，虽然比较多骨，但鱼味浓，加少许柠檬汁再配萝卜蓉一齐食几开胃，另搭配红萝卜馅玉子，软绵绵得黎入口甜甜的
<<蒸物-樱花叶道明子>>用左个日本风既碗装住，樱花叶包住左粉红色既糯米，口感似食紧粽，但夹既时候再松散少少，酿左虾仁同带子粒，味道适中带鲜味
<<寿司八贯>>终于到最热切期待既寿司，师傅每搓完一件再上一件，顺次序咁慢慢品尝每件既味道，当中有拖罗、深海池鱼、鲷鱼、金目鲷、鲭鱼、甜虾、三文鱼籽、帆立贝，每件都非常美味，鲜甜至极，而当中有几款我几欣赏，拖罗入口即溶，食落好肥美且慢慢渗出油香
金目鲷外皮先用火枪烧一烧，再切薄片搓成寿司，食落比其他鱼类鲜甜度高，鱼味更强，赞！
鲭鱼平时食煎熟既多，刺身鲭鱼腥味一般鱼类强，中间夹住薄荷叶一齐食，入口重薄荷味令腥味降低之余，鲜味更出，而且配搭得好好
帆立贝食落肥美鲜甜，爽嫩口感，食完再饮杯Takela，令舌中既味道推至顶点，简直完美无瑕
<<味噌汁>>味道非常浓郁，海带同豆腐料份量多，饮得出系落足料煮，唔系用水沟稀煮成
<<刺身丼>>差不多尾声，我地已食到八成饱，仲有最后既刺身丼，入面有海胆、蟹肉、三文鱼籽，饭底系鳗鱼汁饭，食落甜甜地，三种食材配搭得好好，鲜甜十足，好满足
<<甜品>>最后既甜品系柚子雪芭配血橙、抹茶mochi同蜂蜜蛋糕，雪芭酸酸甜甜解饱肚感，几开胃。平时食橙就多，血橙真系第一次听同食，味道酸味高少少，而且容易入口。抹茶mochi软熟烟韧，心型蛋糕好别致，食落好香蜂蜜同蛋味，简直系甜品控既心头好
整体而言，系性价比高既omakase，而且食材用料新鲜，味道有水准，日本人主理，服务态度好好，以依个价钱食到如此高质日本料理，份量亦比一般外面食既omakase多，的确物超所值，值得再encore!
张贴
