雪村串燒 (已結業)

和同事在中环四围探新店，呢间在摆花街，招牌细细，隐藏在板长之中，唔细心留意真系几难揾到。行上一条窄长楼梯，终于到餐厅。环境有一种和式怀旧小店感觉，入门L小型日式吧枱，旁边四张双人枱，角落一张开放式4人厢位。整间餐厅可容纳不足二十人。午市定食可选择的种类不多，我拣了汁烧豚肉饭定食（$158），同事拣和牛饭定食（$198）。定食分开上，不是一盆集体上，有omakase 感觉，增加高级感。先上前菜（萝卜➕牛蒡渍）和沙律菜，味道不错。之后足料热辣辣面豉汤，水准之上，唔会死咸。主菜汁烧豚肉饭，豚肉用火枪烧微焦上，味道香口唔油腻，但美中不足的是碟底放了沙律酱（我唔食），味道打了折扣。同事和牛饭他说好食，饭和肉份量可能对大食客会偏少，但我觉得刚好。之后仲有刚蒸好热辣辣茶碗蒸，足料又滑。当我哋以为呢餐已经完嘅时候，原来仲有个牛奶布甸，因为我对牛奶有敏感，所以叫佢打包回公司俾同事食，佢哋都好乐意接受。同事食呢个牛奶布甸，佢话好滑好好食，好重奶味。计埋加一，同事$220，我$170，中环来讲属于正常lunch 价，但性价比真系高，质素同埋服务都好，值得推介。