誠拉麵 (已結業)

今晚特意去黄埔同男朋友仔睇比卡超个圣诞节景～行吉之岛行到饿见到有拉面店就医肚～呢度地库原来都有唔少日式餐厅 。见诚拉面都几多人食 就决定食呢间！拉面有三款～分别有白猪骨汤汤底 黑蒜猪骨同赤(辣)猪骨汤底，仲有一款沾面。有普通同特别款选择 亦都可以转餐～我同男朋友分别叫左黑同赤汤底特款转餐。本身想食沾面 但太好卖已经卖哂了qwq我食既系黑蒜汤底加左份煎饺子～特别款系多半个流心温泉蛋，跟面三块日式叉烧 ，比起外面都算系厚切有咬口，肥瘦相当均匀～～黑蒜油好香亦都好够油份～有浓厚嘅猪骨味！而且浓得来唔系死咸。好味到我成碗差唔多饮哂！饺子煎得刚刚好 ，即叫即食既关系，咬落系个底系脆卜卜。入面好有肉汁～而男友既赤猪骨汤唔会话好辣，但想唔到咁惹味 ，饮完又想再饮！佢个餐就跟左个小叉烧饭，个饭底用左日本米，上面仲有加葱同芝麻吊返香味。价钱唔贵，性价比高！