影片
更多
2021-12-09
47 浏览
平时经过元朗呢间日式餐厅，见到都几多人帮衬，于是今日就约同朋友一齐去试吓😋蟹籽沙律沙律包括有蟹籽、粟米粒同大量青瓜丝，加埋沙律酱，清爽开胃😉清酒煮蚬蚬肉鲜甜，汤嘅清酒味都几浓🤤芒果天妇罗虾饭卷一碟总共有六件，呢间餐厅出名相扑寿司，每一件都好大件，酸甜嘅芒果配埋香脆嘅天妇罗炸虾，口感丰富，醋饭口感都几香软，但系酸度可以再调整~刺身方面，色泽可见剌身都好新鲜，而味道都鲜甜肥美，每一件都厚切好大件！😆我哋方别叫咗三文鱼、三文鱼近腩、吞拿鱼油甘鱼、大甜虾、大八爪鱼同鲜带子~串烧方面，叫咗盐烧牛舌、炭烧鸡肉同炭烧鸡软骨，牛舌质感几特别，店员话牛舌特登整得腍身少少，所以相对其他地方食到嘅牛舌会冇咁韧，加埋黑椒更加惹味，而烧汁亦值得一赞👍🏻餐厅有一个地方几特别，枱面预先放咗纸杯，入边已经有茶包，杯子中间有一个隔层网，倒水就可以饮到茶，呢个设计几方便🤩饮品叫咗白桃乳酸，白桃味可以再浓啲，而朋友饮嘅百香果乳酸味道唔错，百香果嘅味几出👍🏻我哋估唔到餐厅仲有免费嘅饭后甜品，店员同我哋讲每晚八点就会有糖水送，今晚系椰汁西米露，不过因为我同朋友都食得好饱，所以净系叫咗一碗🙈总括而言，呢间日式餐厅几抵食，性价比高
蟹籽沙律
沙律包括有蟹籽、粟米粒同大量青瓜丝，加埋沙律酱，清爽开胃😉
清酒煮蚬
蚬肉鲜甜，汤嘅清酒味都几浓🤤
芒果天妇罗虾饭卷
一碟总共有六件，呢间餐厅出名相扑寿司，每一件都好大件，酸甜嘅芒果配埋香脆嘅天妇罗炸虾，口感丰富，醋饭口感都几香软，但系酸度可以再调整~
刺身方面，色泽可见剌身都好新鲜，而味道都鲜甜肥美，每一件都厚切好大件！😆
我哋方别叫咗三文鱼、三文鱼近腩、吞拿鱼
油甘鱼、大甜虾、大八爪鱼同鲜带子~
串烧方面，叫咗盐烧牛舌、炭烧鸡肉同
炭烧鸡软骨，牛舌质感几特别，店员话牛舌特登整得腍身少少，所以相对其他地方食到嘅牛舌会冇咁韧，加埋黑椒更加惹味，而烧汁亦值得一赞👍🏻
餐厅有一个地方几特别，枱面预先放咗纸杯，入边已经有茶包，杯子中间有一个隔层网，倒水就可以饮到茶，呢个设计几方便🤩
饮品叫咗白桃乳酸，白桃味可以再浓啲，而朋友饮嘅百香果乳酸味道唔错，百香果嘅味几出👍🏻
我哋估唔到餐厅仲有免费嘅饭后甜品，店员同我哋讲每晚八点就会有糖水送，今晚系椰汁西米露，不过因为我同朋友都食得好饱，所以净系叫咗一碗🙈
总括而言，呢间日式餐厅几抵食，性价比高，食物种类多，另外仲有定食、锅物、拉面、乌冬等其他选择，平时钟意食日式料理嘅朋友可以嚟试吓~
张贴
