九町屋 (已搬遷) 新店位置

今日同朋友黎到北角哩間日式食堂。餐廳裝修設計類近日本居酒屋，門口掛上唔少紅燈籠🏮有戶內、戶外及吧枱座位。餐廳既食物性價比幾高，$40至$50就已經有大大份主食，再加$10就有埋飲品，仲要全日任何時間都唔會收加一服務費👍🏻🍤黃金大蝦煎飯 配肉醬汁 $44第一次試煎飯，佢係將米飯兩邊都煎得金黃焦香，再淋上飯素、沙律醬及椰菜絲，米飯入口粒粒分明，煙韌有咬口。醬汁可以揀肉醬或者咖喱，肉醬既蕃茄味濃郁，送飯一流，煎飯上面配有三隻吉列炸蝦，炸蝦粉漿薄身，炸得香脆可口。🐂牛肉壽喜燒鍋 配米飯 $52壽喜燒鍋湯頭味道濃郁清甜，入面牛肉既份量都唔少，仲有娃娃菜、粉絲、金菇、什菌等，哩個價錢真係幾抵食。🍡雞軟骨小丸子 $29小丸子有三粒，內裏用豬肉丸混合少少雞軟骨碎，食落爽脆有咬囗。🐟鹽燒三文魚腩 $39三文魚腩非常香口，入口充滿魚油香，而且已經切好一條條，非常方便易食，好食推介👍🏻🍎🍹蘋果果汁 $20🥭🍹芒果果汁 $20整體黎講，餐廳環境舒適，食物味道唔錯，而且夠曬大份，性價比真係幾高，去開北角都可以一試。