鮪世市場 (鴻威大廈) (已結業)

我真系好钟意去旺角，差唔多每星期都定会来行下，真系唔行唔安乐，而我又真系好钟意食日本野日式寿司等，寿司都系每星期必定会食的，但多数来旺角都系去大集团的寿司店，食得多都会厌啦，咁啱见到有间叫「鲔世市场」的寿司店，我同朋友安排坐系寿司Bar枱，坐呢个位都几好可以睇左厨师整寿司。我都叫左好多款寿司，有三文鱼寿司、带子寿司、芝士飞鱼子寿司、火灸鳗鱼寿司、鹅肝寿司、等，好多款寿司都系$9起超抵食，但新鲜同好味道一定高过大集团的寿司店，同埋啲三文鱼都几厚，真系性价比高。香葱本鲔鱼蓉卷吞拿鱼蓉够新鲜、食落口除左好鲜味外重有鱼的甜味，同埋我要赞下呢到啲豉油真系令到啲鱼生更加提鲜。鲔世刺身盛呢个刺身套餐真系好扺食，刺身有三文鱼、油甘鱼、特大赤海虾、日本帆立贝、池鱼、鲔鱼腩，重要附餐送茶碗蒸、沙律、面豉汤，最紧要啲刺身好新鲜。