神木日本料理 (已結業)

观塘一直都系好多美食聚居嘅地方，呢日就黎食呢间神木日本料理。餐厅装修偏日系，有多款日本唔同嘅料理可以拣，串烧、刺身、寿司、冷食热食都有，啱晒钟意食唔同种类嘅日本美食嘅我😌神之特上刺身$198刺身摆盘好靓，有六种唔同嘅刺身，刺身好新鲜同好鲜甜，尤其是系牡丹虾同埋拖罗刺身，拖罗刺身超级肥美呀～食完眼都发晒光～蒜蓉烧生蚝$10/只呢个系晚市期间限定嘅优惠，我哋特登嗌咗六只试吓，味道都几好。杂锦烧物$162我哋特登拣呢个杂锦烧物，因为佢会随机咁拣七款串烧俾我哋，其中包括五款肉同两款菜，好好玩咁～最后嚟嘅串烧全部都好好味，有牛肉串烧、鸡肉、鸡软骨、鱿鱼、青椒、大葱等，全部都好入味，完全冇后悔拣咗呢个～夜缤纷$98呢个系平日夜晚限定嘅优惠，好抵食呀，$98有三串串烧同埋有三款刺身仲包一罐汽水，唔系唔系嘛😌总括而言，呢间餐厅坐得舒服，嘢食好味又唔会太贵，大家可以得闲嚟试吓～