錦壽築地 (已結業)

系香港要揾间日本菜餐厅好食而性价比高并唔容易，呢间餐厅系其中之一。呢间餐厅个menu厚到好似书咁，揭极都有，代表佢食物种类包罗万有，多到同放题差唔多。好，就每个种类都点少少。首先系烧物，饺子鸡翼好饱满，外面都算炸得香脆，只系唔算好热。相反牛舌就够哂热，腌得刚好，香口多汁又有咬口，香浓嘅牛味渗透系口𥚃面，好好食啊！蒜烧原条茄子大到成块牛扒咁，又系烧到香喷喷，蒜蓉嘅香味混在茄子𥚃面，只系比较多左少少油，但整体水准高。彩虹卷8件，七彩缤纷，件件新鲜，寿司米饭粒粒分明，压得刚好，性价比非常高。叉烧拉面也可以，只系只蛋少少过熟。交通便利，环境算舒适，会再来食其他食物！