火間土 (已結業)

同朋友喺尖沙咀行街消费🛍，行到攰，决定揾食🍽。朋友系日本控🇯🇵，咁啱路经北京道一号，醒起有间价钱经济实惠、环境舒适宽敞、仲有维港海景嘅日本餐厅——「火间土」。唔知系咪因为星期日，我哋又比较夜，所以好好彩唔使等位，不过窗口位就无晒了。为免眼阔肚窄，我哋两个女仔叫咗三道菜，佢哋嘅份量都几大。1️⃣ 东京下町名物沙律🥗 ($78)每次嚟，我都一定会叫！里面有日本脆椰菜、薄脆片、即食炒面条、紫菜丝等。用料虽然简单，但味道令人一试难忘。椰菜新鲜清甜，沙律口感清新有层次，酱汁调味一流，酸酸地，叫人食到停唔到口🤤2️⃣ 软壳蟹沙律卷🍙 ($135)有点失望😓⋯主要系饭出事，无饭香，口感食落似普通白饭，无烟靭口感。软壳蟹炸得都香脆嘅，蟹籽份量都好足，不过略嫌沙律酱较少，食落比较淡同干身。3️⃣ 薄饼风烧鸡蛋🍳($48)哩个烧鸡蛋正！外型似pizza之如亦似日式烧饼，蛋味香浓，口感软滑，沙律酱令蛋食落更juicy，味道亦好夹，正！尖沙咀食饭，哩个价钱真系好难揾。抵呀！