影片
更多
2025-01-01
1695 浏览
放假去咗打边炉，最正就系食火锅放题，多选择，食饱饱。喺冻冰冰嘅天气，能够坐低围住一锅滋补嘅汤底，加上高质肉类、海鲜同丰富嘅配料，真系满足😌汤底系火锅嘅灵魂，拣咗药膳花胶鸡汤。一上锅，便闻到阵阵药膳嘅香气，红枣、枸杞和党参等配料配搭得恰到好处，汤底既浓郁又清爽，饮落去完全唔觉得腻。花胶喺汤底里煮得软糯，而鸡肉嫩滑。未正式开始涮涮锅前，我哋点咗一份黄金地瓜条作为小食。炸得金黄酥脆嘅地瓜条，配埋餐厅提供嘅四款粉shake一shake: 海苔粉、蕃茄粉、金酶粉、麻辣粉。好玩之余仲可以试唔同口味。肉类方面，都好多选择。试咗极上Prime Grade霜降牛小排、西班牙伊比利亚黑毛猪、Prime Grade美国安格斯牛肉。霜降牛小排油花分布均匀，渌几秒钟就食得。牛味浓郁。黑毛猪肉质细腻柔嫩，脂肪比例完美。安格斯牛肉则切片薄而均匀，肉质细腻，牛肉香气浓厚。海鲜方面，都几新鲜。蚬大只鲜甜；生猛海虾肉质紧实弹牙。自家制手工韮菜饺皮薄馅多，咬开后系满满嘅韮菜香气，仲带有少少猪肉嘅鲜味。而手工墨鱼滑弹牙，有淡淡嘅墨鱼浓香。配料方面，餐厅提供咗相当丰富嘅选择，从炸鱼皮到花枝丸、鲜淮山、超甜栗米件、油麦菜等，样样
放假去咗打边炉，最正就系食火锅放题，多选择，食饱饱。喺冻冰冰嘅天气，能够坐低围住一锅滋补嘅汤底，加上高质肉类、海鲜同丰富嘅配料，真系满足😌
汤底系火锅嘅灵魂，拣咗药膳花胶鸡汤。一上锅，便闻到阵阵药膳嘅香气，红枣、枸杞和党参等配料配搭得恰到好处，汤底既浓郁又清爽，饮落去完全唔觉得腻。花胶喺汤底里煮得软糯，而鸡肉嫩滑。
未正式开始涮涮锅前，我哋点咗一份黄金地瓜条作为小食。炸得金黄酥脆嘅地瓜条，配埋餐厅提供嘅四款粉shake一shake: 海苔粉、蕃茄粉、金酶粉、麻辣粉。好玩之余仲可以试唔同口味。
肉类方面，都好多选择。试咗极上Prime Grade霜降牛小排、西班牙伊比利亚黑毛猪、Prime Grade美国安格斯牛肉。霜降牛小排油花分布均匀，渌几秒钟就食得。牛味浓郁。黑毛猪肉质细腻柔嫩，脂肪比例完美。安格斯牛肉则切片薄而均匀，肉质细腻，牛肉香气浓厚。
海鲜方面，都几新鲜。蚬大只鲜甜；生猛海虾肉质紧实弹牙。自家制手工韮菜饺皮薄馅多，咬开后系满满嘅韮菜香气，仲带有少少猪肉嘅鲜味。而手工墨鱼滑弹牙，有淡淡嘅墨鱼浓香。
配料方面，餐厅提供咗相当丰富嘅选择，从炸鱼皮到花枝丸、鲜淮山、超甜栗米件、油麦菜等，样样都系火锅中唔可或缺嘅好材料。炸鱼皮酥脆可口，涮汤前后都保持住香脆嘅口感；鲜淮山涮过后仍保持爽脆嘅质感，而栗米件好甜。其他如牛柏叶、午餐肉等经典配料亦唔会令人失望，每一样都可以喺汤底吸满味道。
最后，餐厅用Movenpick雪糕为整餐画上完美句号。薄荷朱古力雪糕清新而不腻，带有浓郁嘅朱古力碎，系甜品中嘅清爽之选；而瑞士朱古力雪糕则浓厚顺滑。
张贴
