阿來東南亞風味 (已結業)

呢间平民餐厅主打食东南亚菜，好食又唔贵，性价比几好。柚子鲜虾沙律$68真材实料，见到碌柚大大嚿嘅拆肉，新鲜爽口多汁，捞埋虾皮同埋惹味酱汁，好开胃。鲜虾大大只，肉质几爽，好食。软壳蟹火山包$138卖相好吸引， 真系有成只炸软壳蟹，炸粉厚度恰到好处，金黄香脆，沾上嘢味嘅咖喱汁，真系冇得输。农夫包绝对唔可以错过，焗得外层香脆，里面嘅包质地好好，吸收晒咖喱汁嘅香味，变得湿润又有另一种食法。海南鸡饭$56呢个几抵食，我哋冇加钱转鸡髀，但系鸡肉都唔会话柴皮，而且份量都几多。鸡肉沾上酸辣酱汁或者姜蓉都好食，如果鸡皮可以做得爽脆一啲更好。油饭热辣辣，都几香。椰青我哋跟餐叫椰青只需要加$22 ，几抵，食完咖喱炸嘢呢啲重口味嘢，饮返个清凉嘅椰青，好舒服。