水木日本料理 (已結業)

今日系观塘建生广场见完客后相约一齐晚饭行落地下见到以前系湾仔有帮衬过的水木走入去果然系以前个日文流利的老板。老板推介最新推广=人餐$498/2位加$200 一支法国红酒。地方比以前细了一半不过楼底很高环境唔错。先上了一个日本渍物（老板送给很久不见的客人）。跟住有个4式小食拼盘有支豆/海鳗干/炸池鱼/炸缟虾 每様小小不过二人份量刚刚好。吃完上茶碗蒸和北海道暑仔沙律。好正宗日本味道 接下有四点刺身今日有带子/缟虾/池鱼/带子 刺身好新鲜。串烧有鸡软骨/黑豚肉芦笋卷黑豚/五花腩。串烧香口。都差唔多饱原来仲有4件寿司 赤身/章红/真鲷/三文鱼子 加面豉汤。吃到捧住个肚时仲有雪糕送。问老板点解平咗咁多但质素和以前一样？佢话因为租平咗2/3 所以回馈比客人。现今好小见到咁有良心好老板怪唔得伙记都熟口熟面希望佢生意兴隆继续俾好嘢我哋吃（最紧要价钱合理）