水門雞飯 (汀角路) (已結業)

今日去左大埔嘅 水门街饭食个lunch，位置就喺港铁太和站行几分钟，附近都好多食店。今日差唔多两点嘅去到，都有几枱客食紧，陆续都有d食客，睇黎质素都唔错。我散叫叫左个海鲜冬阴功汤金边粉，两串猪肉，一串鸡肉串烧。饮品叫左杯泰式奶茶少奶少冰。有d lunch set 都几抵，惊唔够饱仲可以追加小食。海鲜冬阴功汤金边粉，个人几钟意食冬阴功汤粉，但有阵时会惊太辣。呢间餐厅嘅冬阴功汤辣度好低，唔太食得辣都可以一试。汤底柠檬汁酸味同香茅香味比较重所以食落都几清新开胃。海鲜冬阴功汤有好多草菇，海鲜当中鱿鱼份量特别多，青口有4-5只，食到青口有用酒处理过，食落冇腥味同冇沙，细细只，虾有三只，肉质都几爽口呢个价钱黎讲个理，性价比几高。金边粉份量都唔少，好滑，同炒金边粉口感好唔同～串烧配左两只酱 一只系泰式串烧酱 好香花生味，另一只系洋葱，芹菜醋，超级开胃，怕太重口味可以试下点~串烧肉质几嫰几juicy，好食，鸡肉有时好易太重味，呢到嘅鸡肉串烧啱啱好。点两只酱汁都好夹。泰式奶茶浓厚，饮落好滑身，好饮！