新泰東南亞餐廳

营业中

休息中

呢间新泰已经帮衬过好多次，今日同男朋友一齐嚟回访，呢度环境好大好阔落，坐得好舒服😌睇佢个Menu都有好多唔同嘅食物选择，见到烧烤类都觉得好吸引～首先我哋叫咗一个必食嘅肉碎生菜包 ($72)，我哋唔食芫荽所以走晒青🤪呢个肉碎系偏湿，有好香嘅青柠味，同时我都好欣赏佢啲生菜细细块好容易食，呢个味道都唔错😋另一个叫咗烧猪颈肉 ($78)，啲猪颈肉都唔少，而且外边香脆，入面仲保留肉汁，点埋佢个微辣嘅汁我觉得几好食😌之后就叫咗腌无骨凤爪沙律 ($68)，凤爪爽口，酸辣汁非常开胃，而且仲有好多配料例如洋葱香芹等等，口感好丰富👍🏻之后仲叫咗个蒜茸越南牛油鸡翼 ($78)，一嚟到已经见到满满嘅蒜包围住啲鸡翼，蒜香味浓，仲好脆添，绝对系邪恶之选🤣之后就叫咗个泰式甜品小拼盘 ($88)，呢个一共有四款唔同嘅糕点，我觉得最特别嘅系木薯糕，外表有少少似蛋糕但其实食落就比较似年糕，加上里面仲有啲椰丝，口感非常好～另外我都钟意呢个龙眼糕，唔会太甜，但亦有龙眼淡淡清香😽当然我哋都有叫到饮品啦，我哋叫咗一个椰青沙冰 ($58)，佢系用完个椰青装住啲沙冰，里面仲有啲打碎咗嘅椰子肉，椰汁味浓，亦都好有咬口～今次回访亦都冇令