1988 (已結業)

今日去左观塘工业大厦上楼嘅食店1988食晚饭，好在一早订咗，疫情关系，食店可以招呼嘅客人少了一半，如果冇订位有可能冇位。进入食店时都会为每位客人探热，亦有预备搓手液提供比客人。今日叫咗一个小食拼盘，好大碟，包括虾饼、鱼饼、春卷各两件、另泰国鸡枣就有4件，全部都好新鲜热辣辣炸起，配上酸辣酱其实好好味，不过建议首先不要加酱汁先食一口，因为其实都几够味，同时可以尝一下原味。香茅汁鱼柳，真系好开胃嘅，个汁酸酸地，鱼柳都好滑，入面仲有虾，卖相都几好。菠萝炒饭意外地好大碟，差啲食唔晒，里面有腰果、肉松、虾、菠萝，D饭炒得好香，又多𩠌。另外叫咗个冻泰式奶茶，好香奶茶味，但味道比平时嘅奶茶清淡，但我都觉得几好饮。今晚仲有特别优惠，每两位堂食可以送泰国街头雪糕一杯，我哋拣咗百香果，酸酸甜甜，味道清新，雪糕配上椰子腰果好特别👍